I. NAFARROAKO FORU KOMUNITATEA
Herrilanak eta Zerbitzu Publikoak
443/2002 EBAZPENA, apirilaren 29koa, Herrilan zuzendari nagusiak emana. "Iruñeko sarbideak hegoaldetik, tartea: Cordovilla (2,400 k.p.tik 3,700 k.p.ra) eta Noain (4,850 k.p.tik 5,550 k.p.ra)" izeneko proiektua bitan zatitzen du, hots, a) "Iruñeko sarbideak hegoaldetik, tartea: Cordovilla (2,400 k.p.tik 3,700 k.p.ra)" eta b) "Iruñeko sarbideak hegoaldetik, tartea: Noain (4,850 k.p.tik 5,550 k.p.ra)", eta "Iruñeko sarbideak hegoaldetik, tartea: Cordovilla (2,400 k.p.tik 3,700 k.p.ra)" proiektuari dagokion jendaurreko aldia ebatzi eta behin betikoz onesten du.
Urtarrilaren 16ko 62/2002 Ebazpenaren bidez "Iruñeko sarbideak hegoaldetik, tartea: Cordovilla (2,400 k.p.tik 3,700 k.p.ra) eta Noain (4,850 k.p.tik 5,550 k.p.ra)" proiektuari onespen teknikoa eman zitzaion eta jendaurrean jarri zen (2002ko urtarrilaren 30eko Nafarroako ALDIZKARI OFIZIALa, 13. zk.).
Ebazpen horren bidez ukituriko ondasun eta eskubideak desjabetzeko prozedurari hasiera eman zitzaion eta proiektua jendaurrean jarri zen, ohar eta alegazioak egiteko.
Proiektu, Teknologia eta Obra Hidraulikoen Zerbitzuak adierazi du alegazioak aurkezteko epea amaitu dela, eta epe horretan honako alegazio hauek aurkeztu direla:
1. alegazioa. Ricardo Ariz Imizcoz jaunak, Galar Zendeako Udaleko alkate-udalburuak, aurkeztua.
Galarko Zendeako Udal Planean hirigintza jarduketa garrantzitsuak egitea aurreikusten da eta horiek Iruñera hegoaldetik sartzeko bide-trafikoan eragin nabarmena izanen dute, hots aurkezturiko proiektuaren xede den arloan.
Biribilgune berri bat egitea aintzat hartzea eskatzen dute, proiektatua dagoenaz gainera, Udal planean aurreikusita dagoen tokian.
Cordovillako industrialdeko iparraldeko mugan lotune bat egin beharra dagoela adierazi du.
Erantzuna:
Proiektuan biribilgune osagarri bat egiteko aukera aurreikusi da Galarko Zendeako Udal planean adierazi den toki berean, plantako planoetan puntuen bidez adierazi den bezala. Biribilgune hori egitea proiektu honetan garatu denarekin bateragarria da. Udal planean aurreikusitako bidearen iparreko lotuneari dagokionez, hots, biribilgune horretatik abiatu eta Cordovillako industrialdeko mendebaldetik joanen litzatekeen hori, adierazi beharra dago ez dela proiektu honen xede. Bide horri eta aipatu lotuneei dagokienez, kontuan hartu behar da indarreko legeek ezartzen dutela lur urbanizagarri bihurtzen diren lurren jabeak beharturik daudela sistema orokorretara sartzeko bideak egin eta finantzatzera, bai halaber urbanizazioaren ondorioz egin behar diren eraldaketa oro. Gainera, biribilgunearen proiektua prestatzen denean, Galarko Zendeako Udalak kontuan hartu beharko du haren diseinua eta neurriak trafiko azterketan adierazten denari egokitu beharko zaizkiola, kasuan kasuko arauak eta gomendio teknikoak betetzeko.
2., 3. eta 4. alegazioak, Luis Liras Beaumont (KEA Txirrindulari taldea ordezkatuz), Victor Sesma Buñuales (Unión Ciclista Navarra ordezkatuz) eta Raimundo Lanas Muro (Ciudadanos Ciclistas Comarca de Pamplona ordezkatuz) jaunek aurkeztuak.
Nork bere aldetik aurkeztutako alegazioetan eskatzen dute proiektuan beharrezko azpiegitura aurreikus dezatela, txirrindulariek segurtasunez zirkulatu ahal izateko toki nahikoa izan dezaten.
Erantzuna:
Hegoalderantz Zaragozako etorbidean barna jotzeko irteerak trafiko handia dauka (20.000 bat ibilgailu eguneko). Etorbide hori Iruñeko ingurabideekin eta autobidearekin lotuta dago, eta hor ere trafiko handia eta ibilbide luzekoa hartzen du. Jendaurrean jarritako proiektuaren xede den bide-tartean, gehienez ere, 0,75 metroko tartea utz liteke txirrindularientzat. Eremu hori ez litzateke aski izanen eta, gainera, ez luke jarraipenik izanen ez ingurabideetan, ez autobidean. Hortaz, ez du zentzurik tarte horretan bide gorri bat egiteak eta txirrindularien trafikoa handitzeak, bide gorririk ez duen eta ibilgailuen trafiko handia duen beste bide- tarte batean sartuko baitira.
Hortaz, alegaturikoa ezetsi da.
5. alegazioa. Agapito Martínez Jiménez jaunak aurkeztua.
1. poligonoko 398. lurzatiaren erdiaren jabe da, pro-indiviso moduan. Zehazki 3.726 metro ditu. Finkaren erabilera aldatzea eskatu du, larreetarako izan beharrean industri lurzoru edo jarduera ekonomikoetarako lur bihurtzeko.
Erantzuna:
Eskatutakoa aintzat hartu eta ukituriko ondasunaren jabekide gisa sartzen zaio.
Alegazioan azaltzen du ukituriko lurzatiaren azalera 3.726 metro koadrokoa dela, jatorrizko finkak zituen 4.954 metro koadroko eremutik 1.200 metro koadro desjabetu baitziren. "Iruña-Madril N-121 errepidean Mendebaldeko Saihesbidea eta Nafarroako autobidea lotzeko bidea" izeneko proiektuari dagokion desjabetzapen espedientea berraztertu da eta ikusi da desjabetutako eremua 1860 metro koadrokoa izan zela, hots, 125 metroko lur zerrenda bider 14,88 metroko zabalera batez beste.
Xedeko proiektuaren ukipena, aurreko desjabetzapena azterturik, 160 metro koadrokoa da.
6. alegazioa, Francisco Ajona Salazar (Navauto ordezkatuz), Manuel Albisu Indurain (Talleres Alto Ebro ordezkatuz) eta Javier Rípodas Sagardía (Talleres Rípodas, S.L. ordezkatuz) jaunek aurkeztua.
Establezimenduen eta espaloiak mugatutako eremu publikoaren artean 5,50 metroko distantzia mantentzea eskatu dute, kasuan kasuko jarduera ekonomikoen aparkaleku beharrak bermatzeko.
Erantzuna:
Behin betiko proiektuan alegazio honetan eskaturikoa aintzat hartu da eta establezimendu horietako aurrealdeen parean aparkatzeko tokia mantendu. Hortaz, desjabetzapenak ez du haiengan eraginik izanen.
7. alegazioa. José L. Guembe Martínez jaunak (Albicar 4x4, S.L. ordezkatuz) zera eskatu du:
1. Ibilgailuak aparkatzeko egun dagoen eremua ez txikitzea.
2. Bere nabearen parean proiektatu duten autobus geltokia beste toki batera eraman dezatela, bere enpresaren jarduera ez kaltetzeko.
Erantzuna:
1. Ikus 6. alegazioari emandako erantzuna.
2. Eskatutakoa aintzat hartu da. Behin betiko proiektuan autobus geltokia biribilgunearen beste aldera eraman da, Iruñerriko Mankomunitatearekin eta Babes Zibileko Zerbitzuarekin adostu ondoren (inguru horretan suhiltzaileentzat aurreikusi diren instalazioetako sarbideak izanen baitira).
8. alegazioa. Juan Aransay Arigita jaunak (Papelera Navarra, S.A. ordezkatuz) zera alegatu du:
1. Papelera Navarra, S.A.ren lurzati batean, GA-1 izenekoan, benetako okupazioa jendaurreko aldian adierazi dena baino handiagoa izanen dela.
2. Proiektaturiko bidea bulegoetatik metro bakar batzuetara izanen dira eta horrek zaratak, poluzioa eta arriskua ekarriko ditu, ibilgailuen irteeragatik. Proiektatu den hormaren eraginez, gainera, bulegoetan berotasun sentsazioa handituko da. Orain dauden zuhaitzek kalte hartuko dute; beste irtenbiderik ez badago, arbolak beste toki batera eraman beharko lirateke, biziraun dezaten. Suteen kontrako kanpoko sarea, ureztaketa sistema eta ACPSAren kutxeta bat ere ukituko dira.
Hori dena ebitatuko litzateke galtzadaren zabalera 2,5 metro murriztuko balitz. Hiru metroko espaloiak jartzea gomendatzen du eta 3,5 metroko erdibitzailea.
3. Sartzeko atearen partez beste bat jarri beharko litzateke, ixteko beste sistema bat erabiliz.
Oraingo proiektuarekin, ibilgailuak sartu eta ateratzeko arazoa larriagotzen da. Semaforoaren arazoa konpondu beharko litzateke (Iruñetik etorrita), baita ibilgailuen irteera, batez ere kamioiena, auto-pilaketarik izan ez dadin. Hegoaldetik datozen kamioiak egungo toki beretik sartuko dira eta, beraz, horrek dakartzan arazoak ez dira konponduko.
Irtenbide gisa, instalazioetara Cordovillako industrialdetik sartu ahal izatea planteatu da, proiektaturiko biribilgunea erabiliz.
4. Proiektuak ahalik eta eremurik txikiena hartzea nahiko luke, horren espaloi eta erdibitzaile zabalak ez baitira batere erabilgarriak.
5. Papelera Navarra, S.A.k linea elektriko bat sartu nahi du, kogenerazio planta bat irekitzeko.
Erantzuna:
1. GA-1 lurzatian okupatuko den puska jendaurrean jarritako zerrendan baino handiagoa dela adierazi duelarik, 1985ean egindako desjabetzapenaren espedientea berraztertu da, hots, "Iruña-Madril N-121 errepidean Mendebaldeko Saihesbidea eta Nafarroako autobidea lotzeko bidea" izeneko proiektuaren ondoriozkoa, eta frogatu da egin zen desjabetzapena ez dela zuzen jaso oraingo proiektuan. Izan ere, orduan, 3.010 metro koadro desjabetu ziren, hots, batez beste 8,60 metroko zabalera zuen lur zerrenda bat 350 metroko tarte batean, errepidearen ondo-ondoan.
Egokitzapen hori egin ondoren, eta kontuan harturik proiektuaren aldaketaren ondorioz okupatu beharreko eremua ere txikiagoa dela, GA-1 lurzatian desjabetuko den eremua 650 metro koadrokoa izanen da.
2. Alegaturikoa aztertuta, ondorioztatu da erdibitzailearen zabalera 4 metrotik 3ra murriztu daitekeela. Espaloiari dagokionez, kontuan harturik ertzean luzerako landare-hesi bat jarriko dela, eta tarteka zuhaitzak, ezin da zabalera murriztu. Espaloian horrelako elementuak jarrita eta lurzatiaren mugan proiektatu den horma egonda, adierazitako beldurrak funtsik gabekotzat hartzen dira. Proiektua gauzatu ondoren, bulegoen egoerak, ingurumen eta segurtasun arloetatik begiratuta, ez du okerrera eginen. Proiektuan dirusail bat aurreikusi da zuhaitz batzuk lekualdatzeko, haien neurriak eta balioa ikusita merezi badu.
3. Proiektuan atea berriz jartzea aurreikusi da.
Iruñetiko sarbidea jendaurrean jarri den proiektu honen eragin eremutik kanpora dago eta, beraz, ez da aldatuko.
Proiektu honek ez ditu aldatuko Papelera Navarra, S.A. lantegian sartu eta ateratzeko dauden baldintzak. Hortaz, beste bide bat egiteari dagokionez alegaturikoa ezetsi da.
4. Erantzun sorta honen 2. puntuan adierazi bezala, erdibitzailearen zabalera 4 metrotik 3ra murriztuko da. Espaloia ezin da murriztu, izan ere, 4.000 metroko zabalera horretan luzerako landare-hesi bat eta zuhaitz batzuk landatzea aurreikusi baita; espaloiaren luze-zabalera, beraz, behar adinakoa da, ez gehiago, ez gutxiago.
5. Proiektuan obrek ukituko duten eremuan eraiki beharreko instalazioak egiteko behar diren kanalizazioak sartu dira, baina horiek Papelera Navarraren kontura egin beharko dira. Proiektua burutu aurretik, aurrekontua eta Herrilan, Garraio eta Komunikazio Departamentuarekin batera ordaintzeko konpromisoa onartu beharko ditu, hitzarmen bat sinatuz.
9. alegazioa. Miguel Elizari Reta jaunak, Noain-Elortzibarko Udaleko alkate-udalburuak, aurkeztua.
1. Noaingo bidean, eskuineko bazterreko espaloia jarraipenik gabe geldituko da, eta, horrenbestez, jarraipena eman diezaiotela eskatu du, alde bietan beheratuz.
2. Proiektuan Noainera bitarteko urbanizazioa sartzea, espaloiak eta erdibitzailea barne.
3. Aireportuan sartzeko bidea aldatuko denez, proiektuan zehaztea egungo bidea deseginen dela edo oinezkoendako bide gisa egokituko dela.
4. Noain-Elortzibarko hirigintza planeamenduan aurreikusitako biribilgunea proiektutik kendu denez, proiektuan obra horiek egin eta dagokion espaloien lehengoratzeko lanak sartu beharko lirateke.
5. Oinezkoentzat proiektatu den azpiko pasaguneak goitiko argiztapena izan beharko luke erdialdean eta bertan sartzeko maldak babes-itxiturak izan beharko lituzke iparraldean eta estalpean. Hegoaldea, berriz, irekita utzi beharko litzateke.
6. Aireportuaren aldean proiektaturiko bidea CN-121 errepidera arte luzatu beharko litzateke.
7. Aireportuan sartzeko bidearen alde bietan espaloiak eta landare-hesiak jarri beharko lirateke, biribilgune berritik Noain-Eskirotz industrialdeko lehenengo naberaino.
9. Aireportuko bidetik hurbil dauden etxola eta baratze bat kendu beharko lirateke.
Erantzuna:
Ikusirik alegazio horien eragin zabala, izan ere proiektuan sartuz gero hura nabarmen aldatuko litzateke eta proiektua erredaktatzeko epea ere nabarmen luzatuko, eta kontuan harturik, halaber, proiektuak hartzen dituen tarteak (Cordovillako tartea eta Noain-Elortzibarko tartea) zein bere aldetik eraiki eta abian jarri daitezkeela, egokia da jendaurrean jarritako proiektua bitan banatzea, hots, aipatu tarte bakoitzarentzat bat. Lehenbizikoa Cordovillako tarteari dagokio eta ebazpen honekin batera onetsiko da. Bigarrena, Noain-Elortzibarko tarteari dagokiona, gero onetsiko da. Proiektu hori onesteko ebazpenean, orain alegatutakoari erantzuna emanen zaio.
Bestalde, Cordovillako tarteaz den bezainbatean, Ekonomi eta Europako Aferen Zuzendaritza Nagusiko Ondare Zerbitzuak proiektuak ondare publikoari eraginen dion afekzioari dagokionez adierazi duena ikusirik, 3+050 k.p.an egin gogo den azpiko pasabidearen proiektua birplanteatu da. Epe luzera azpiko pasabide bat egitea beharrezkoa izanen dela aurreikusi badaiteke ere, egungo egoeran, eta hurrengo urteei begira, zuzena da haren partez zebrabide bat eta semaforoa jartzea, oinezkoak eskatuta bide ematekoa.
Hori guztia kontuan harturik, lurzatien zerrenda aldatu da. Ukipenen zerrenda berria Ebazpen honen eranskinean ageri da.
Horrenbestez, Proiektu, Teknologia eta Obra Hidraulikoen Zerbitzuak adierazi eta proposaturikoarekin bat etorriz, eta Herrilan, Garraio eta Komunikazio kontseilariak urriaren 7an emandako 3912/99 Foru Aginduaren bidez eskuordeturik ditudan ahalmenak erabiliz, eta Nahitaezko Desjabetzapenari buruzko Legearen 52. artikuluan xedatutakoarekin bat, Zuzendaritza Nagusi honek t5 EBATZI DU:
1. "Iruñeko sarbideak hegoaldetik, tartea: Cordovilla (2,400 k.p.tik 3,700 k.p.ra) eta Noain (4,850 k.p.tik 5,550 k.p.ra)" proiektua bitan zatitzea:
a) "Iruñeko sarbideak hegoaldetik, tartea: Cordovilla (2,400 k.p.tik 3,700 k.p.ra)".
b) "Iruñeko sarbideak hegoaldetik, tartea: Noain (4,850 k.p.tik 5,550 k.p.ra)".
2. "Iruñeko sarbideak hegoaldetik, tartea: Cordovilla (2,400 k.p.tik 3,700 k.p.ra)" proiektuari dagokion jendaurreko aldia ebaztea. Aurkezturiko alegazioei Ebazpen honen azalpen zatian adierazitako erantzunak eman zaizkie.
3. "Iruñeko sarbideak hegoaldetik, tartea: Cordovilla (2,400 k.p.tik 3,700 k.p.ra)" proiektua behin betikoz onestea. Haren kontrata bidezko exekuzioaren aurrekontua 2.847.117,78 eurokoa da.
4. Ebazpen hau Nafarroako ALDIZKARI OFIZIALean eta Foru Komunitateko bi egunkaritan argitaratzea.
5. Ebazpen honen berri ematea Proiektu, Teknologia eta Obra Hidraulikoen Zerbitzuari, Bide eta Eraikuntza Zerbitzuari, Desjabetzapen Atalari, Galar, Noain eta Arangurengo udalei eta alegazio-egileei, behar diren ondorioak izan ditzan.
Iruñean, bi mila eta biko apirilaren hogeita bederatzian.-Herrilan zuzendari nagusia, Álvaro Miranda Simavilla.
E R A N S K I N A
Iruñeko sarbideak hegoaldetik, tartea: Cordovilla (2,400 k.p.tik 3,700 k.p.ra) Ondasun eta eskubideen banakako zerrenda zehaztua
GALARKO UDALERRIA
GA-1 PAPELERA NAVARRA, S.A. Zaragozako errep. 8 508 1 317 Zoladura
CORDOVILLA
GA-2 Bide-sare publikoa 718 1 8.007 Bidea
Cordovillako industrialdea
GA-3 Bide-sare publikoa 801 1 8.008 Bidea
Cordovillako industrialdea
GA-4 Bide-sare publikoa 403 1 8.006 Bidea
Cordovillako industrialdea
GA-5 IRAGUE, S.A. Larraina, 1-5.a B 78 1 221 Zorua eta larreak
IRUÑA
GA-6 COMPAÑIA DE PETROLEOS AVANTI, S.A. Gazteluko plaza, 43 bis 160 1 398 Zorua
IRUÑA
Agapito Martínez Jiménez Antso Azkarra, 57-14.a B
IRUÑA
GA-7 Nafarroako Foru Komunitatea Karlos III.a, 4 346 1 364 Zoladura
IRUÑA
GA-8 Nafarroako Foru Komunitatea Blas de la Serna, 1 143 1 363 Zoladura
IRUÑA
GA-9 AUTOMOVILES ALBISU, S.A. Zaragozako errep., 3. km. 0 1 362 Zoladura
CORDOVILLA
GA-10 Manuel María Albisu Induráin Zaragozako errep., 3. km. 0 1 37 Zoladura
CORDOVILLA
GA-11 Javier Rípodas Zabalza Buenaventura Iñiguez 0 1 38 Zoladura
IRUÑA
GA-12 Eugenio Ajona Urbiola Zaragozako errep., 3. km. 0 1 39 Zoladura
CORDOVILLA
GA-13 CIRMAUTO, S.A. Zaragozako errep., 3. km. 0 1 40 Zoladura
CORDOVILLA
GA-14 CIRMAUTO, S.A. Zaragozako errep., 3. km. 0 1 358 Zorua
CORDOVILLA
GA-15 JESUS UNSAIN, S.A. Zaragozako errep., 4. km. 0 1 357 Zorua
CORDOVILLA
GA-16 Francisco Esparza Martínez-Azagra Imaz anaiak, 8-5.a B 0 1 414 Zorua
IRUÑA
María Carmen Ezquerra Muruzábal Larraina 1, ezk. eskailera, 7.a B
IRUÑA
GA-17 FIRECAR, S.A. Mugazuri "Medansa" 48 1 322 Larreak
BURLATA
Ukituriko zerbitzuen zortasuna (Retenaren lur azpiko kanalizazioa)
GALARKO UDALERRIA
GA-2 Bide-sare publikoa 86 1 8.007 Bidea
Cordovillako industrialdea
GA-3 Bide-sare publikoa 152 1 8.008 Bidea
Cordovillako industrialdea
GA-4 Bide-sare publikoa 106 1 8.006 Bidea
Cordovillako industrialdea
Aldi baterako okupazioa
GALARKO UDALERRIA
GA-1 PAPELERA NAVARRA, S.A. Zaragozako errep., 8 1.060 1 317 Zoladura
CORDOVILLA
GA-3 Bide-sare publikoa 1.896 1 8.008 Bidea
Cordovillako industrialdea
GA-4 Bide-sare publikoa 227 1 8.006 Bidea
Cordovillako industrialdea
Iragarkiaren kodea: A0204924
