I. NAFARROAKO FORU KOMUNITATEA
Xedapen Orokorrak. Foru Aginduak
387/2001 FORU AGINDUA, urriaren 18koa, Hezkuntza eta Kultura kontseilariak emana, arauak ezartzen dituena Nafarroako Foru Komunitateko lurraldean dauden Bigarren Hezkuntzako institutuetako eta Derrigorrezko Bigarren Hezkuntzako institutuetako eskola kontseiluak hautatu, partez berritu eta eratzeko.
Ikasketen Antolamendu eta Lanbide Heziketaren Zerbitzuko zuzendariak adostasun txostena eman du institutu horietako eskola kontseiluak hautatu, partez berritu eta eratzeko, hezkuntza komunitateko sektore guztien parte hartzea bermatzeko asmoz.
Foru Agindu honen helburua da Bigarren Hezkuntzako institutuetako eta Derrigorrezko Bigarren Hezkuntzako institutuetako eskola kontseiluak hautatu, partez berritu eta eratzeko deialdia egitea. Prozesu horrek honakooi segituko die: Nafarroako Foru Komunitateko lurraldean dauden Bigarren Hezkuntzako Institutuen Erregelamendu Organikoa onetsi zuen otsailaren 10eko 25/1997 Foru Dekretuaren II. tituluko II. kapituluaren ("Kide anitzeko gobernu organoak") A atala ("Institutuko eskola kontseilua") eta hirugarren xedapen iragankorra (Foru Dekretua 1997-03-14ko Nafarroako ALDIZKARI OFIZIALean argitaratu zen), bai eta uztailaren 6ko 255/1999 Foru Dekretua eta Foru Agindu hau ere.
Kontuan hartu dira irakaskuntza ez-unibertsitarioen arloko eginkizun eta zerbitzuak Estatuko Administraziotik Nafarroako Foru Komunitatera eskualdatzea onetsi zuen abuztuaren 31ko 1070/1990 Errege Dekretua (1990-09-1eko "EAO"), ikastetxeetako parte hartze, ebaluazio eta gobernuari buruzko azaroaren 20ko 9/1995 Lege Organikoa (1995-11-21eko "EAO"), arestian aipatu den otsailaren 10eko 25/1997 Foru Dekretua eta uztailaren 6ko 255/1999 Foru Dekretua.
Horrenbestez, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36. artikuluak eman dizkidan ahalmenak erabiliz,
AGINDU DUT:
Aplikazio eremua.
Lehena.-1. Honakoontzat da Foru Dekretua: eskola kontseiluen lehen erdia edo bigarren erdia osatzen duten kideak hautatu zirenetik bi urte iraganik, partez berritu beharra duten Bigarren Hezkuntzako institutuak eta Derrigorrezko Bigarren Hezkuntzakoak.
Bigarren erdia berritu behar duten ikastetxeek honela jokatuko dute:
Eskola kontseiluen lehenengo erdiaren berritze partziala egin behar duten institutuek, betiere, berritze hori egin beharko dute otsailaren 10eko 25/1997 Foru Dekretuaren 9.2.a) artikuluak ikastetxe mota bakoitzerako ezarritako osaeraren arabera eta kontuan hartuta otsailaren 10eko 25/1997 Foru Dekretuaren 9.2 artikuluan eta hirugarren xedapen iragankorreko 2. puntuan ezarritakoa.
2. Ikastetxe sortu berriek edo bereizteko prozesu baten ondorioz eratu berri diren ikastetxeek sektore guztietako kide guztiak izendatuko dituzte, 9.4 artikuluak dioen bezala.
Ikastetxeek beren kideak izendatzeko otsailaren 10eko 25/1997 Foru Dekretuko 9.2 artikuluan eta Hirugarren Xedapen Iragankorreko 1. atalean ikastetxe mota bakoitzerako ezarria dagoen prozedurari segituko diote.
3. Eskola konseilua hautatzea edo partez berritzea kronologikoki ez dagokien institutuek ere hauteskundeak egiten ahalko dituzte, dagokien ordezkari kopurua murriztua dutela-eta indarreko agintaldia duten eskola kontseiluetako zenbait sektore osatzeko, baldin eta gertatu diren hutsuneak ordezkoen zerrendaren bitartez betetzerik izan ez bada.
Atal honetan xedatutakoari jarraikiz hautatzen diren ordezkarien agintaldia, edonola ere, ordezten dituzten kontseilukideen agintaldia bukatuko litzatekeen egunean bukatuko da.
Bigarrena.-Foru Agindu honen lehen puntuan aipatu diren institutuetako eskola kontseiluak hautatu, partez berritu eta eratzeko deialdiak honakooi segituko segituko die: Nafarroako Foru Komunitateko lurraldean dauden Bigarren Hezkuntzako Institutuen Erregelamendu Organikoa onetsi zuen otsailaren 10eko 25/1997 Foru Dekretuaren II. tituluko II. kapituluaren ("Kide anitzeko gobernu organoak") A atala ("Institutuko eskola kontseilua") eta hirugarren xedapen iragankorra, bai eta Foru Agindu hau eta, Pertsona Helduen Nafarroako Bigarren Hezkuntzako Institutuari dagokionez, uztailaren 6ko 255/1999 Dekretuaren 33.1 artikulua.
Hautatu beharreko kideak
Hirugarrena.-1. Hautatu beharreko kide kopurua ikastetxe mota bakoitzari dagokiona izanen da, kasu bakoitzean egin behar den hautaketa edo berritze partzialaren arabera eta ikastetxe bakoitzak daukan ikasle kopurua kontuan hartuta, hala ezartzen baitute otsailaren 10eko 25/1997 Foru Dekretuaren 8 eta 9. artikuluek eta hirugarren xedapen iragankorrak.
2. Pertsona Helduen Nafarroako Bigarren Hezkuntzako Institutuan, baldin eta osatu gabeko sektoreak osatzeko edo lehen erdia berritzeko hauteskundeak egiten badira, ondokoak kontuan hartuz jokatuko da: otsailaren 10eko 25/1997 Foru Dekretua, uztailaren 6ko 255/1999 Foru Dekretua, irailaren 30eko 335/1999 Foru Agindua eta Foru Agindu hau.
Hauteskundeak egiteko epea
Laugarrena.-Institutuetako eskola kontseiluetan eskola komunitateko sektoreek izanen dituzten ordezkariak aukeratzeko hauteskundeak 2001eko azaroaren 21etik abenduaren 10era bitartean egin beharko dira, biak barne.
Hauteskunde Batzordea
Bosgarrena.-1. Otsailaren 10eko 25/1997 Foru Dekretuaren 11. artikuluan aurreikusitako hauteskunde batzordea azaroaren 5etik aitzina eratuko da. Haren eginkizuna izanen da eskola kontseiluko kideak hautatzeko prozedura antolatzea.
2. Ikastetxeko zuzendariek Hauteskunde Batzordeko kide titular eta ordezkoak hautatzeko zozketak antolatuko dituzte, publikotasun eta berdintasun printzipioak errespetatuz. Horretarako, batzordeak gerora onetsiko dituen hauteskunde erroldak prestatu beharko dituzte.
Pertsona Helduen Nafarroako Bigarren Hezkuntzako Institutuko Hauteskunde Batzordeak ondoko kide hauek izanen ditu: institutuko zuzendaria, batzordeburua izanen dena, irakasle bat, ikasle bat eta administrazio eta zerbitzuetako langileen ordezkari bat.
3. Hauteskunde Batzordeak, otsailaren 10eko 25/1997 Foru Dekretuaren 11.2 eta 12. artikuluetan aipatu eginkizunez gain, sektoreetako ordezkarien hautagai zerrendak aurkezteko epea zehaztuko du. Hautagaien behin-behineko zerrendak argitaratu eta bozketa egunaren artean, zortzi egun naturaleko epea utzi beharko da gutxienez.
Hauteskunde Batzordeak gorde eginen ditu posta bidez jasotako botoak eta bozketa ixteko ordua baino lehentxeago hauteskunde mahaiari emanen dizkio. Berandu iristen diren botoak ez dira kontatuko.
Erreklamazioak eta inpugnazioak
Seigarrena.-1. Zerrendak aurkezteko epea amaiturik, Hauteskunde Batzordeak onarturiko hautagaien behin-behineko zerrenda emanen du argitara.
2. Onartu diren hautagaien behin-behineko zerrendaren aurka erreklamazioa egin ahalko da, argitara ematen den egunaren hurrengo egun baliodunean.
Kasu horretan, batzordeak ondoko egun baliodunean ebatziko du erreklamazioa eta, erabaki horren aurka, gora jotzeko errekurtsoa jarri ahalko da Nafarroako Gobernuari zuzendua, hilabeteko epearen barnean; errekurtsoa jarrita ere, prozesua ez da etengo.
Hautagai zerrenda bereiziak
Zazpigarrena.-Boto-paperek honako arau hauek bete beharko dituzte:
a) Hautagaien izenak lehenbiziko abizenaren lehen letraren arabera ordenatuko dira.
b) Hautagaia zerrenda bereizi batean aurkeztu bada, bere izenaren azpian hautagai zerrenda aurkeztu duen elkartearen edo erakundearen izena adierazi beharko da.
c) Hautagai bakoitzaren izenaren aurrean laukitxo bat jarriko da.
d) Boto emaileak gurutze bat jarriko du laukitxoan, botoa zein hautagairentzat den adierazteko.
Posta bidezko botoa
Zortzigarrena.-1. Ikasleen gurasoek posta bidezko botoa erabil dezakete. Horretarako, botoa eta Nortasun Agiri Nazionalaren fotokopia edo nortasuna frogatzeko balio bereko agiria biltzen dituzten kartazalak ikastetxeko hauteskunde batzordeari igorri beharko dizkiote, boto kontaketa egin baino lehen.
Hautesleek behar den dokumentazioa eskatuko diote Hauteskunde Batzordeari eskubide hori erabili ahal izateko.
2. Hauteskunde Batzordeak gorde eginen ditu posta bidez jasotako botoak eta bozketa ixteko ordua iritsi baino lehentxeago hauteskunde mahaiari emanen dizkio. Geroago iristen diren botoak ez dira kontatuko.
Hauteskunde mahaiak
Bederatzigarrena.-1. Bozketa egunean irakasle, guraso, ikasle eta administrazioko eta zerbitzuetako langileendako hauteskunde mahaiak eratuko dira, zeinak, hurrenez hurren, otsailaren 10eko 25/1997 Foru Dekretuaren 14.2, 15.3 eta 4, 16.2 eta 17.2 artikuluetan aurreikusita baitaude.
2. Behar adina ordu jarriko dira, behar bezala banatuak, nahi duten hautesleek botoa eman ahal izateko.
Botoak kontatzea, aktak egitea eta hautetsiak aldarrikatzea
Hamargarrena.-1. Hauteskunde egintza bakoitzean, bozketa bukatu eta gero, mahaiak botoen kontaketa eginen du, jendaurrean. Horren ondoren, mahaikide guztiek sinatu beharreko akta eginen da, honako datuok bildu beharko dituena: aurkezturiko hautagai zerrenda eta bakoitzak lorturiko boto kopurua; eskola kontseiluko kide izateko aukeratuen zerrenda eta gerta daitezkeen postu hutsak betetzeko ordezkoen zerrenda, horietako bakoitzak lortu duen boto kopurua adierazita eta horren arabera ordenatuta. Hauteskunde mahai bakoitzak ikastetxeko hauteskunde batzordeari igorriko dio akta, hautetsien aldarrikapena egin dezan.
2. Bozketetan berdinketarik izanez gero, erabakia zozketa bidez hartuko da, hauteskunde mahaiak zuzenduta. Hauteskunde Batzordeari igortzen zaion aktan horren berri emanen da.
3. Hauteskunde Batzordeak, mahaiek boto-kontaketa eta aktak egin ondotik, hautetsien aldarrikapena eginen du. Batzorde horren erabakien aurka errekurtso arrunta jarri ahalko da Nafarroako Gobernuari zuzendua, hilabeteko epean, jakinarazi edo argitaratu eta biharamunetik hasita.
4. Ikastetxeko zuzendariak, hauteskunde batzordeburua den aldetik, Foru Agindu honen eranskinean ageri den ereduaren araberako akten kopiak igorri beharko ditu Hezkuntza Zuzendaritza Nagusira (Ikasketak Antolatzeko Atala), sektore guztietako bozketak amaitu eta berrogeita zortzi orduko epean.
Izendapeneko postuak betetzeko prozedura
Hamaikagarrena.-1. Hauteskunde Batzordeak institutua kokatuta dagoen herriko udalari eskatuko dio eskola kontseiluko kide izateko zinegotzi edo ordezkari bat izenda dezan.
2. Bategiteen ondorioz, udalerri batean baino gehiagotan kokatuta dauden ikastetxeen kasuan, ukitutako udalen artean akordiorik ez bada, biztanleen kopuruaren ordenari segituz -biztanle gehien duen herritik hasita-izendatuko dituzte udalek ikasturte bakoitzerako ordezkariak. Gainerako udalen ordezkariak ere ager daitezke eskola kontseilura, hizpidea dutela baina botorik gabe.
3. Halaber, ikastetxeko guraso elkarterik garrantzitsuenari eta institutuaren eragin eremuan garrantzitsuena den enpresa erakundeari eskatuko zaie eskola kontseiluko kide izateko ordezkariak izenda ditzaten, hala ezartzen baitu otsailaren 10eko 25/1997 Foru Dekretuaren 8.2. artikuluko h) letrak.
Eskola kontseilua eratzea
Hamabigarrena.-1. Hautetsien aldarrikapena egin eta ondoko hamar egun naturaleko epean, zuzendariak eskola kontseilua eratzeko bilkurarako deia eginen du.
2. Eskola kontseilua eraturik geldituko da ikastetxeko eskola komunitateko sektoreren batek -sektore horri egotzi dakizkiokeen arrazoiengatik- kide anitzeko organo honetarako ordezkariak hautatu gabe baldin baditu ere.
XEDAPEN GEHIGARRIAK
Lehena.-Bigarren Hezkuntzako institutuek eta Derrigorrezko Bigarren Hezkuntzakoek, 2001eko hauteskunde hauetan eskola kontseilua partez berritu beharra izan eta beren unitate kopuruan aldaketa izan dutelako eskola kontseiluan ere aldaketa egin beharra badute, hura osatzen duten bi erdietan hain zuzen, hala ezartzen baitute otsailaren 10eko 25/1997 Foru Dekretuaren 8 eta 9. artikuluek, bigarren erdiaren berritzea ikastetxeak egun duen unitate kopuruaren osaketa berriari egokituko diote, otsailaren 10eko 25/1997 Foru Dekretu horren 9.2.a) eta 9.2.b) artikuluetan xedatutakoari jarraikiz.
Bigarrena.-Bategiteen ondoriozko institutuetan, izaera ezberdineko irakaskuntzak ematen badituzte, partaidetza kontseiluak eratu ahalko dira, abenduaren 5eko 651/1995 Foru Aginduan ezarritakoari jarraikiz (1996/01/19ko Nafarroako ALDIZKARI OFIZIALa).
Hirugarrena.-Ikastetxeetako eskola kontseiluak behar bezala eratu daitezen, behar diren neurriak hartuko dituzte Ikasketen Antolamendu eta Lanbide Heziketaren Zerbitzuak, Zerbitzuak Ikuskatzeko eta Ikuskapen Teknikorako Zerbitzuak, ikastetxeetako zuzendariek eta hauteskunde batzordeek; orobat, bermatuko dute kasuan kasuko prozesuetan eskola komunitateko sektore guztiek parte hartzen dutela, horretarako erraztasunak emanez.
AZKEN XEDAPENAK
Lehena.-Hezkuntza zuzendari nagusiari ahalmena ematen zaio Foru Agindu honetan agindutakoa aplikatu eta garatzeko behar diren ebazpenak eman ditzan.
Bigarrena.-Foru Agindu hau igortzea Zerbitzuak Ikuskatzeko eta Ikuskapen Teknikorako Zerbitzura, Ikasketen Antolamendu eta Lanbide Heziketaren Zerbitzura eta Ikasketak Antolatzeko Atalera, behar diren ondorioak izan ditzan.
Hirugarrena.-Foru Agindu honek Nafarroako ALDIZKARI OFIZIALean argitara eman eta biharamunean hartuko du indarra.
Iruñean, bi mila eta bateko urriaren hemezortzian.-Hezkuntza eta Kultura kontseilaria, Jesús María Laguna Peña.
E R A N S K I N A
Bigarren Hezkuntzako eta Derrigorrezko Bigarren Hezkuntzako institutuetako eskola kontseilariak hautatzea eta partez berritzea (2001/2002 ikasturteko lehen hiruhilekoa)
1.-IKASTETXEAREN IDENTIFIKAZIO DATUAK
Izena Herria
Telefonoa Faxa
2.-ESKOLA KONTSEILUA HAUTATZEKO MODUA
f Kontseilua lehenengo aldiz hautatzea
f Kontseilua partez berritzea:
f Lehen erdia f Irakasleen sektorea
f Bigarren erdia f Gurasoen sektorea
f Ikasleen sektorea
f Administrazio eta zerbitzuetako langileen sektorea
3.-HAUTESKUNDEETAKO PARTE HARTZEA ETA ORDEZKARI HAUTATUAK
Irakasleak Gurasoak edo tutoreak IkasleakAdministrazio eta zerbitzuetako langileak
Errolda osoa
Boto emaileak (Kopurua eta %)
Ordezkari hautatuen kopurua
4.-AURKEZTUTAKO HAUTAGAIEN ZERRENDA ETA LORTUTAKO BOTOEN KOPURUA
I r a k a s l e a k Gurasoak edo tutoreak I k a s l e a kAdmin. eta zerbitzuetako langileak
Hautagaiak Botoak Hautagaiak Botoak Hautagaiak Botoak Hautagaiak Botoak
5.- ESKOLA KONTSEILUAREN OSAKETA
A) Eskola kontseiluko kide ez-hautatuak
Kontseiluburua
Ikasketa burua
Idazkaria
Ordezkari gehien duen guraso-elkartea
Udaleko zinegotzi edo ordezkaria
Enpresa-erakundeko ordezkaria
B) Eskola kontseiluko kide hautatuak
B.1. (Kontseiluaren lehenbiziko hautaketa)
I r a k a s l e a k Gurasoak edo tutoreakI k a s l e a k Admin. eta zerbitzuetako langileak
B.2. 1. erdia (.......ko hauteskundeetan berrituak)
I r a k a s l e a k Gurasoak edo tutoreak I k a s l e a k
B.3. 2. erdia (.......ko hauteskundeetan hautatuak/berrituak (1))
I r a k a s l e a k Gurasoak edo tutoreakI k a s l e a k Admin. eta zerbitzuetako langileak
(1) Zer ez duen behar, hura ezabatu.
6.-ORDEZKOEN ZERRENDA
I r a k a s l e a k Gurasoak edo tutoreakI k a s l e a k Admin. eta zerbitzuetako langileak
Hautagaiak Botoak Hautagaiak Botoak Hautagaiak Botoak Hautagaiak Botoak
7.- HAUTESKUNDE MAHAIAK
I r a k a s l e a k Gurasoak edo tutoreakI k a s l e a k Admin. eta zerbitzuetako langileak
Kideen sinadura Kideen sinaduraKideen sinadura Kideen sinadura
Eguna Eguna Eguna Eguna
..........................(e)n,......(e)ko................aren.......
IKASTETXEKO ZUZENDARIA
Iragarkiaren kodea: A0112822
