III. NAFARROAKO TOKI ADMINISTRAZIOA
A Z U E L O
E D I K T U A
Azueloko Udalak, 2000ko abenduaren 12an egin bilkuran, honakoa erabaki zuen:
Nafarroako Toki Ogasunei buruzko martxoaren 10eko 2/95 Foru Legean ezarritakoari jarraikiz, erabaki da:
1.-Ehuneko 0,15eko karga-tasa ezartzea hirilurretako ondasunentzat.
2.-Ehuneko 0,27ko karga-tasa ezartzea herrilurretako ondasunentzat.
3.-Ehuneko 5eko karga-tasa aplikatzea lizentzia behar duten instalazio, eraikuntza eta obren gaineko zergarako.
4.-Ehuneko 1eko karga-tasa aplikatzea jarduera ekonomikoen gaineko zergarako ezarritako kuotari.
5.-Ehuneko 2,7ko koefizientea eta ehuneko 8ko zerga-tasa jartzea hirilurren balio igoeraren gaineko zergari.
Erabaki honek indarra hartuko du 2001eko urtarrilaren 1ean eta haren aurka, aukeran, honako errekurtso hauek jarri ahalko dira:
a) Berraztertzeko errekurtsoa, egintzaren organo egileari zuzendua, hilabeteko epean, ebazpen hau jakinarazi eta biharamunetik.
b) Administrazioarekiko auzi-errekurtsoa, Nafarroako Auzitegi Nagusiko Administrazioarekiko auzien Saileko Epaitegiari zuzendua, bi hilabeteko epean, ebazpen hau jakinarazi eta biharamunetik; edo,
c) Gora jotzeko errekurtsoa, Nafarroako Administrazio Auzitegiari zuzendua, ebazpen hau jakinarazi eta hilabeteko epean.
Azuelon, bi mila eta bateko martxoaren hogeita seian. Alkatea, José Manuel Díaz de Cerio Crespo.
Iragarkiaren kodea: A0103368
