I. NAFARROAKO FORU KOMUNITATEA
Herrilanak eta Zerbitzu Publikoak
EBAZPENA, 2000ko azaroaren 20koa, Antolaketa eta Informazio Sistemen zuzendari nagusiak emana, 2001. urterako Nafarroako Justizia Administraziorako parke mikroinformatikorako laguntza teknikoa eta haren mantentzea prozedura irekiaz eta lehiaketa bidez kontratatzeko espedientea onesten duena.
Informazioaren Biltegi eta Teknologi Zerbitzuak lizitaziorako dei egin du, 2001. urterako Nafarroako Justizia Administraziorako parke mikroinformatikorako laguntza teknikoa eta haren mantentzea kontratatzeko, ondoko baldintza orokor hauei jarraikiz:
-Kontratuaren xedea: 2001. urterako Nafarroako Justizia Administraziorako parke mikroinformatikorako laguntza teknikoko eta haren mantentzeko lanak eginen dituen enpresa hautatzea.
-Izapidaketa: arrunta.
-Esleitzeko prozedura: irekia.
-Esleipen mota: lehiaketa publikoa.
-Kontratuaren aurrekontua: 11.000.000 pezeta.
-Egiteko epea: kontratua izenpetzen denetik 2001eko abenduaren 31ra bitarte.
-Klausulen pleguak: Informazioaren Biltegi eta Teknologi Zerbitzuan (Iruñeko Karlos III.a etorbideko 2ko behean), bulegoko egun-ordu baliodunetan.
-Proposamenen aurkezpena: 2001eko otsailaren 5eko 14:30 arte, Nafarroako Gobernuaren Erregistro Orokorreko bulegoetan.
-Proposamen ekonomikoak jendaurrean irekitzeko egun-orduak: 2001eko otsailaren 9ko 10:00etan, Informazioaren Biltegi eta Teknologi Zerbitzuaren bulegoetan.
Iruñean, bi mila eta bateko urtarrilaren bian.-Antolaketa eta Informazio Sistemen zuzendari nagusia, Juan Santafé Rodrigo.
Iragarkiaren kodea: A0100001
